منتدى قرية موشا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رباعيات صلاح جاهين

3 مشترك

اذهب الى الأسفل

رباعيات صلاح جاهين Empty رباعيات صلاح جاهين

مُساهمة  المدير العام للمنتدى الجمعة 24 يوليو - 22:40

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!



ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!



ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!



و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!



أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!



يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!


عدل سابقا من قبل المدير العام للمنتدى في الجمعة 24 يوليو - 22:44 عدل 1 مرات
المدير العام للمنتدى
المدير العام للمنتدى
Admin
Admin

عدد المساهمات : 69
السٌّمعَة : 0
تاريخ التسجيل : 05/04/2009

الرجوع الى أعلى الصفحة اذهب الى الأسفل

رباعيات صلاح جاهين Empty رد: رباعيات صلاح جاهين

مُساهمة  المدير العام للمنتدى الجمعة 24 يوليو - 22:43

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!



سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!



كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!



عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!



رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!



ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!

المدير العام للمنتدى
المدير العام للمنتدى
Admin
Admin

عدد المساهمات : 69
السٌّمعَة : 0
تاريخ التسجيل : 05/04/2009

الرجوع الى أعلى الصفحة اذهب الى الأسفل

رباعيات صلاح جاهين Empty ولله زمان

مُساهمة  baker56 الأربعاء 29 يوليو - 21:46

شكرا فكرتنا يعمنا صلاح
هل يجود الزمان بوطني كصلاح

baker56

عدد المساهمات : 47
السٌّمعَة : 0
تاريخ التسجيل : 07/05/2009

الرجوع الى أعلى الصفحة اذهب الى الأسفل

رباعيات صلاح جاهين Empty رد: رباعيات صلاح جاهين

مُساهمة  من موشا السبت 15 أغسطس - 16:18

رباعيات جاهين
احلى رباعيات بالعامية المصرية
تدخل القلب عالطول
شكرا جزيلا
من موشا
من موشا

عدد المساهمات : 19
السٌّمعَة : 0
تاريخ التسجيل : 03/04/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى